Patnongon, Antique– Pinasinayaan ng Antique PNP kasama ang iba pang ahensya ng pamahalaan ang kauna-unahang Balay Silangan Reformation Center sa Patnongon, Antique, nitong Biyernes, Abril 22, 2022.
Ang nasabing aktibidad ay pinangunahan ni Police Colonel Alexander Mariano, Provincial Director, Antique Police Provincial Office, bilang kahalili ni Police Brigadier General Flynn Dongbo, Regional Director, Police Regional Office 6, kasama si Mayor Evohn Nee B Baldestamon, Municipal Mayor ng Patnongon; Sir Alex M Tablate, Director II, Philippine Drug Enforcement Agency 6, Regional Director; Sir Juan Jovian E Ingeniero, Regional Director ng Department of the Interior and Local Government 6; Dr Adriano P Suba-an, Regional Director, Department of Health 6 at iba pang katuwang na mga ahensya.
Ang naturang reformation center ay matatagpuan sa Evacuation Center sa Barangay Padang, Patnongon, Antique na inaasahang tatanggap at kakalinga sa mga Antiqueños na minsan ng naimpluwensyahan ng mga ipinagbabawal na droga.
Kasabay na isinagawa ang Blessing Ceremony ng naturang gusali na pinangunahan ni Reverend Father Gregorio Igig, na sinundan naman ng signing ng Manifesto of Commitment na nilahukan ng iba’t ibang partner agencies.
Pinasalamatan naman ni Police Colonel Mariano, ang lahat ng mga nanguna upang maging matagumpay ang pagpapatayo ng nasabing reformation center at tiniyak na sa pamamagitan ng proyektong ito, mas matutulungan pa ang ating mga kababayan na magsimulang muli at magbagong buhay na malayo sa bisyo at ilegal na droga.
###
