Carcar City, Cebu – Narekober ng PNP HPG Provincial Highway Patrol Team Cebu ang isang ninakaw na motorsiklo sa Barangay Napo, Carcar City nito lamang Biyernes ng hapon, Abril 22, 2022.
Kinilala ni Police Major Gemuel Cortina, Deputy Chief, Regional Highway Patrol Unit 7 ang suspek na si Jonel Dechosa Dayagbil, residente ng Brgy, Napo, Carcar City, Cebu.
Ayon kay PMaj Cortina, narekober ang isang Rusi 125, kulay red na may plate no. 0701-991977 na pagmamay-ari ni Orlando Henales, 48, residente ng Guadalupe, Carcar City, Cebu.
Ayon sa inisyal na report, ang narekober na motorsiklo ay ninakaw habang nakaparada sa garahe ng kapatid ng biktima.
Ayon pa kay PMaj Cortina, habang nagsasagawa ng Anti- Carnapping at follow-up operation ang mga tauhan ng PNP HPG patungkol sa isa pang nakawan ng motorsiklo na naganap sa Hunob, Carcar City, Cebu, nakatanggap sila ng impormasyon na nakita ang naiulat na nawawalang motorsiklo na nakaparada sa tabing kalsada na agad namang tinungo ng kapulisan ang nasabing lugar at kinumpirma na ito nga ang naiulat na nawawalang motorsiklo ni Hernales noong Abril 12, 2022.
Nahaharap ang naturang suspek sa kasong paglabag sa RA 10883 o Anti-Carnapping Law.
Ang suspek at ang narekober na motorsiklo ay nasa kustodiya na ng Consolacion MPS para sa kaukulang disposisyon.
###
Panulat ni Patrolwoman Kyla Hannah Evangelista
