Rodriguez, Rizal – Tinatayang Php102,000 na halaga ng shabu ang nakumpiska sa tatlong suspek sa operasyon ng Rizal PNP nitong Miyerkules, Abril 20, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang tatlong suspek na sina Diosdado Cruz y Dela Cruz, alyas Totoy, 57; Ismael Mendoza y Aniceto alyas Jongke, 52 at Mark Czar Santos y Cruz alyas Barok, 37.
Ayon kay PCol Baccay, bandang 7:15 ng gabi naaresto ang tatlong suspek sa Blk 257 Lot 12 La Solidaridad, PNP Housing, Brgy. San Isidro, Rodriguez, Rizal sa buy-bust operation ng Rizal Provincial Intelligence Unit.
Nakumpiska sa tatlong suspek ang sampung heat-sealed transparent plastic sachets na may timbang na 15 gramo na hinihinalang shabu na nagkakahalaga ng Php102,000; isang itim na coin purse; isang Php500 bill na ginamit bilang marked money; tatlong pirasong Php100 bill at isang unit ng itim na Yamaha Mio motorcycle.
Nahaharap ang tatlong suspek sa kasong RA 9165 o Comprehensive Dangerous Drugs Act of 2002.
Ang Philippine National Police ay lalo pang paiigtingin ang kampanya laban sa ilegal na droga at kriminalidad upang manatiling ligtas at maayos ang komunidad.
Source: Rizal Police Provincial Office
###
Panulat ni Patrolman Mark Lawrence Atencio
