Eastern Samar – Nagsagawa ng PNP Relief Operation ang Eastern Samar Police Provincial Office sa mga evacuation centers na biktima ng Tropical Storm Agaton sa Abuyog, Leyte nito lamang Huwebes, Abril 21, 2022.
Ayon kay Police Colonel Matthe Lingan Aseo, Provincial Director ng Eastern Samar PPO, may kabuuang 115 relief packs ang naipamahagi sa mga residente ng Brgy. Bahay na pansamantalang naninirahan sa Gabaldon Central School Evacuation Center.
Nasa kabuuang 131 relief packs, kasama ang mga damit na donasyon ng iba’t ibang unit ng ESPPO at civilian donors para naman sa mga residente ng Brgy. Pilar na pansamantalang naninirahan sa Brgy. Balocawe Multi-Purpose Evacuation Center.
Layunin ng nasabing aktibidad na mabawasan ang pasanin ng mga biktima ng bagyo sa pamamagitan ng pagdadala ng mga nasabing relief items at ipakita ang ating suporta at pagmamahal sa mga Abuyognon.
Ayon pa kay PCol Aseo, ang nasabing aktibidad ay naging posible din sa aktibong pakikilahok at suporta ng mga iba’t ibang ahensya at opisina ng gobyerno: DPWH Eastern Samar (para sa probisyon ng Truck para maghatid ng Relief Goods), Borong CPS (para sa probisyon ng Patrol Car na ginagamit sa transportasyon ng mga tauhan).
Kasama sa mga donors ay sina Ms. Luz Concha Daganzo, MSWDO, DSWD Abuyog, RPHAS, Abuyog, at Juliata MPS augment personnel na naka-deploy sa mga nabanggit na Evacuation Centers, Office of the Civil Defense (para sa pagbibigay ng gasolina) at mga Boluntaryo ng Kabataan ng Balocawe.
Ang pagtutulungan ng bawat isa para sa mga naging biktima ng Bagyong Agaton ay nagpapakita lamang ng pagmamalasakit sa ating kapwa.
###
Panulat ni Patrolwoman Rialyn B Valdez
