Conner, Apayao – Matagumpay ang isinagawang Interfaith Prayer and Peace Covenant Signing for Secure, Accurate, Free/Fair Election (SAFE) 2022 ng Apayao PNP sa Barangay Ripang, Conner, Apayao nito lamang Huwebes, Abril 21, 2022.
Ang aktibidad ay pinangunahan ni Police Brigadier General Ronald Lee, Regional Director, Police Regional Office Cordillera kasama sina Police Colonel Benjamin Sembrano, Deputy Regional Director for Operation, PROCOR at Police Colonel Reynaldo Ogay, Chief Regional Staff, PROCOR.
Dumalo rin sa naturang aktibidad sina Ms. Apastra Joan C. Buslig-COMELEC Officer, Ms. Joan-Ana J. Dumalsin-MLGOO at Dr. Girlie B. Baguec, Ph.D Department of Education – Northern Conner District Supervisor, Religious Sector Rev. Fr. Guerzon Ace A. Blaquera ng St. Therese of the Child Jesus Parish, Pastor Kenneth A. Amangao ng Apayao Christian Alliance Fellowship at mga miyembro ng iba’t ibang ahensiya ng pamahalaan at pribadong sektor.
Sinimulan ang aktibidad sa pamamagitan ng pagsindi ng mga kandila bilang simbolo ng kapayapaan at pagkakaisa na agad sinundan ng interfaith prayer na pinangunahan ni Rev. Fr. Robert L. Daowan.
Nagsagawa din ng peace covenant signing at nagtapos sa pamamagitan ng ceremonial releasing of doves.
Ang PNP, AFP at iba pang ahensya ng pamahalaan ay magkakaisa upang makamit ang mapayapa at maayos na halalan sa Mayo 9, 2022.
Source: https://m.facebook.com/story.php?story_fbid=1064711374429200&id=100026710422658
###
