Parang, Maguindanao – Nagsagawa ng Community Outreach Program ang Chaplain Service, Police Regional Office Bangsamoro Autonomous Region sa Parang, Maguindanao noong Abril 18, 2022.
Ang aktibidad ay pinangunahan ni Police Captain Dennis Waradje, Action Police Commission Officer sa pamumuno ni Police Colonel Zainalabiden Ismael, Regional Pastoral Officer.
Bandang 5:00 ng hapon namahagi ng libreng pagkain para sa Iftar ang mga tauhan ng CHS PRO BAR sa mga local vendor ng Parang Main Market.
Ang pagsasagawa ng ganitong uri ng aktibidad ay isang paraan para mas mapalapit ang komunidad sa PNP at bilang pakikiisa na din ng Pambansang Pulisya sa pagdiriwang ng Ramadan ng ating mga kapatid na Muslim.
###
Panulat ni Charlie Nasroden Corpuz
