Arestado ang dalawang (2) suspek sa pagtutulak ng iligal na droga sa ikinasang buy-bust operation ng PNP-Drug Enforcement Group at Pasay City Police Station noong Oktubre 15, 2021 sa kahabaan ng Roxas Boulevard, Pasay City.
Huli sa akto ng pagbebenta ng hinihinalang shabu ang mga suspek na sina Emmanuel Bartolome aka “Jonjon”, 42 anyos, Angkas driver; at Eliza Aurelio aka “Dang”, 35 anyos, call center agent, pawang mga residente ng Barangay Baclaran, Parañaque City.
Nakumpiska ng mga awtoridad ang higit-kumulang 300 gramo ng hinihinalang shabu na nagkakahalaga ng Php2,040,000; assorted identification cards; at dalawang (2) cellphone.
Nasa pangangalaga ng SOU 4A, PNP DEG ang mga suspek kasama ang mga nakumpiskang ebidensya para sa dokumentasyon at tamang disposisyon.
#####
Article by Police Corporal Josephine T Blanche
