Timbog ang dalawang (2) suspek sa isinagawang Oplan Paglalansag Omega ng PNP-CIDG sa pamamagitan ng buy-bust at follow-up operation noong Oktubre 14 ng taong kasalukuyan.
Bandang 12:30 ng hapon nang nasabing araw ng isinagawa ng CIDG Cavite Provicial Field Unit (PFU) sa pakikipagtulungan sa AFP, Cavite PMFC, Cavite HPT, PECU Cavite, RMFB 4A 401st MC, Cavite Maritime Group, Quezon PPO, at CIDG Quezon PFU ang nasabing operasyon laban sa iligal na pagbebenta ng ammonium nitrate at improvised blasting cap.
Nahuli sa nasabing operasyon sa Brgy. Bacao 2, Gen. Trias City, Cavite ang suspek na si Charlito Tenorio y Marpil, lalaki, 52 taong gulang, kasal, at residente ng Dapodil St., Brgy. Salcedo 2, Noveleta, Cavite.
Samantala, nahuli naman sa National Hi-way Brgy. Isabang, Lucena City, Quezon si Ay-Ar Suson y Amonggo, lalaki, 34 taong gulang, walang asawa, at residente ng Brgy. Isabang, Tayabas, Quezon sa pamamagitan ng follow-up operation.
Nakumpiska mula sa mga suspek ang 1000 piraso ng improvised blasting caps, 30 sako ng ammonium nitrate (25 Kgs/Sacks) na may kabuuang 750 kilos o 160 pounds, One Thousand Sixty pounds, Php1,000 bill buy-bust money, 120,000 piraso ng 1,000 boodle money at isang (1) Foton Traveler Van.
Ang mga arestadong suspek ay dinala sa CIDG Cavite PFU Office para sa tamang dokumentasyon at disposisyon.
#####
Article by PMSG Leah Lyn Q Valero
