Aparri, Cagayan – Nagsagawa ang Aparri PNP ng Clean-up Drive Activity sa Brgy. Punta, Aparri, Cagayan bandang 6:00 ng umaga ng Sabado, Abril 16, 2022.
Ang aktibidad ay pinangunahan ni Police Captain Tristan John Zambale, Acting Chief of Police, Aparri Police Station, katuwang ang mga miyembro ng Baybay Ko Dalus Ko (BKDK), Kabataan Kontra Droga at Terorismo, Philippine Coast Guard, Police Trainees ng Aparri, at mga aktibong residente ng nasabing barangay.
Naglinis at namulot ng mga basura ang mga grupo sa dalampasigan na kung saan may kabuuang anim na sako na basura ang nakolekta.
Ang aktibidad na ito ay alinsunod sa PNP Core Values na “Makakalikasan” at ng programa ng Cagayan Police Provincial Office na Clean and Green CPPO Dream at I love Cagayan River.
Hinihikayat ng PNP ang mga mamamayan na patuloy na pangalagaan at protektahan ang kalikasan upang mapanatili ang kalinisan, kagandahan at kaayusan ng kapaligiran.
Source: Aparri PS
###
Panulat ni Patrolwoman Juliet Dayag
