Mandaue City, Cebu – Nakumpiska ang tinatayang Php340,000 halaga ng shabu sa mga suspek sa buy-bust operation na ikinasa ng Mandaue City PNP noong Biyernes, Abril 15, 2022.
Kinilala ni Police Colonel Roland Bulalacao, City Director ng Mandaue City Police Office, ang mga naaresto na sina Ruby Saga Cedeno, a.k.a. “Ruby”, 39 at Alvin Dinawanao, 34.
Ayon kay PCol Bulalacao, nasakote ang mga suspek bandang 9:30 ng gabi sa Brgy. Paknaan, Mandaue City ng mga operatiba ng Police Station 3 ng Mandaue City Police Office.
Ayon pa kay PCol Bulalacao, nakuha mula sa suspek ang 50 gramo ng shabu na may tinatayang Standard Drug Price na Php340,000 at buy-bust money.
Nahaharap ang mga suspek sa kasong may kinalaman sa ilegal na droga o ang RA 9165.
Patuloy naman ang pagpapaigting at pagpapatupad ng ating kapulisan ng kanilang mandato sa nasabing lugar sa kagustuhang mabigyan at mapanatili ang kaligtasan ng ating mga kababayan mula sa ano mang uri ng kriminalidad.
###
