Camp Bagong Diwa, Bicutan, Taguig City – Nahainan ang dalawang Top Most Wanted Person ng Warrant of Arrest ng Taguig PNP bandang 9:30 ng umaga sa loob ng Taguig City Jail Male Dormitory, Camp Bagong Diwa, Bicutan, Taguig City nito lamang Biyernes, Abril 15, 2022.
Kinilala ni NCRPO Regional Director Police Major General Felipe Natividad ang mga suspek na sina Jamoran Cayagcag y Pundag, 29, Top 7 MWP; at Benjie Calma y Sarabay, 29, Top 8 MWP, pawang may mga nakabinbin na kasong Homicide.
Ayon kay PMGen Natividad, kasalukuyan silang nakakulong sa Taguig City Jail Male Dormitory, Camp Bagong Diwa, Bicutan, Taguig City simula noong Nobyembre 13, 2021 dahil sa paglabag sa Sec. 11, Art. II RA 9165 o Comprehensive Dangerous Drugs Act of 2002.
Pinuri ni PMGen Natividad ang walang humpay na pagsisikap ng Taguig CPS sa pangunguna ng Taguig Chief of Police Police Colonel Roberto Baesa.
“Ang patuloy na kampanya ng Team NCRPO laban sa mga Most Wanted Persons ay isang malaking accomplishment sa aking nasasakupan dahil sa marami na ang mga naaresto. Ang kasalukuyang tagumpay ng Southern Police District sa ilalim ng pamumuno ni District Director Police Brigadier General Jimili Macaraeg ay isa lamang sa maraming tagumpay ng ating mga tauhan ng pulisya na walang sawang nagsusumikap upang maalis ang lahat ng uri ng kriminalidad at ilegal na droga sa Metro,” ani PMGen Natividad.
Source: NCRPO PIO
###
Panulat ni PSSg Remelin Gargantos
