Columbio, Sultan Kudarat – Binisita at tinulungan ng Columbio PNP ang dalawang babae na may kapansanan sa Brgy. Sinapulan, Columbio, Sultan Kudarat, noong Sabado, Abril 16, 2022.
Ayon kay PMaj Jessie Silva Jr., Chief of Police ng Columbio Municipal Police Station, pinuntahan mismo ng kanilang tanggapan ang bahay ng kanilang benepisyaryo upang mag-abot ng tulong sa pamamagitan ng pamamahagi ng kaunting groceries.
Doon lang napag-alaman na ang dalawang benepisyaryo ay mahigit 10 taon nang nakawheelchair.
Tiniyak naman ni PMaj Silva Jr., na patuloy pa rin sila na magpapaabot ng tulong sa mga mamamayan na nangangailangan upang maibsan at mapasaya sila sa simpleng pamamaraan na ginagawa ng PNP at kahit papano ay mabawasan ang kanilang kalungkutan na dinaramdam.
###
Panulat Patrolman Khnerwin Jay A Medelin
