Zamboanga Sibugay – Arestado ang isang babae sa isinagawang intelligence driven operation ng Zamboanga PNP nito lamang Miyerkules, Abril 13, 2022 sa kasong Carnapping.
Kinilala ni Police Major Xyronne Caronan, Chief of Police ng Ipil Municipal Police Station, ang suspek na si Analyn Caballo Ormillo, 21, residente ng Sitio Simukoy, Barangay Lipakan, Salug, Zamboanga Del Norte.
Ayon kay PMaj Caronan, naaresto ang suspek bandang 11:25 ng gabi sa Purok African Daisy, Don Andres, Ipil, Zamboanga Sibugay ng mga operatiba ng Ipil Municipal Police Station.
Ayon pa kay PMaj Caronan, narekober mula kay Ormillo ang isang Honda Beat na kulay itim/pula, na may engine number JF78E7083941 at chasis number MH1JF7872JK083850 at walang plate number, na naiulat na nawawala noong Abril 7, 2022 sa Sindangan Municipal Police Station.
Dagdag pa ni PMaj Caronan, nahaharap ang suspek sa kasong Anti-Fencing Law.
Samantala, naibalik naman sa may-ari na si Meralyn C Deniega, 28, at residente ng Brgy. Maras, Sindangan, Zamboanga Del Norte matapos magpakita ito ng kaukulang papel na nagpapatunay na sa kanya nakapangalan ang motorsiklo.
Ang Pambansang Pulisya ay patuloy na pinapaigting ang kampanya laban sa kriminalidad upang manatiling tahimik at payapa ang bansa.
###
Panulat ni Patrolman Chris Lorenz Angat/RPCADU 9
