Valenzuela City — Arestado ang Top 9 Most Wanted Person na may kasong Robbery nang ihain ng Valenzuela PNP ang kanyang Warrant of Arrest nito lamang Biyernes, Abril 15, 2022.
Kinilala ni Police Colonel Ramchrisen Haveria Jr, Chief of Police ng Valenzuela City Police Station ang suspek na si Romnick Hangad y Encho, 22, binata at kasalukuyang naninirahan sa Cristina Village Phase 1, Bamban, Tarlac City.
Ayon kay PCol Haveria Jr, naaresto si Encho, bandang 12:15 ng tanghali sa kahabaan ng Area 6, Brgy. Maysan, Valenzuela City ng mga operatiba ng Warrant and Subpoena Section (WSS) ng Valenzuela CPS.
Ayon pa kay PCol Haveria Jr, ang suspek ay may nakabinbin na kasong Robbery kung saan nilooban nya umano ang isang pribadong gusali na walang nakatira.
Tiniyak ni PCol Haveria Jr, na ang PNP ay patuloy na paiigtingin ang operasyon laban sa mga Wanted Persons upang harapin nila ang karampatang parusa para sa kanilang nagawang kamalian.
Source: NPD PIO
Panulat ni PSSg Remelin M Gargantos
