Leyte – Nagsagawa ang Leyte PNP ng Disaster Response and Relief Operation katuwang ang ABS-CBN Foundation Sagip Kapamilya sa Abuyog, Leyte nito lamang Huwebes, ika-14 ng Abril, 2022.
Isa ang ABS-CBN Foundation Sagip Kapamilya sa agad na naghatid ng tulong sa pamamagitan ng Food Aid sa mga pamilyang nasa anim na evacuation centers sa Abuyog, Leyte na lubhang naapektuhan ng pananalasa ng bagyong Agaton.
Agad namang tumugon ang Leyte Police Provincial Office – Police Strategy Management Unit (PPSMU) sa pangunguna ng hepe nito na si PLtCol Allan Cerro sa hiling ng nasabing foundation na maging katuwang kasama ang Leyte PPO-Provincial Advisory Group for Police Transformation and Development (PAGPTD) sa pangunguna ng Chairman na si Dr. Ronald B Madera na siya ring Campus Director ng EVSU-Carigara at President, RADNET5 upang maipaabot ang food aid sa mga kababayan nating lubos na nangangailangan sa lugar.
Isang libo na mga pamilya ang nakatanggap ng food packs at lagpas tatlong libong ka-tao ang nakatanggap ng hot meals.
Ang lahat ng ito ay naisakatuparan sa pakikipagtulungan na rin ng Radnet 5, J&T Express, Palo Metropolitan Cathedral at Eastern Visayas State University, sa pakikipag-ugnayan ng Lokal na Pamahalaan ng Abuyog.
###
Panulat ni Patrolwoman Darice Anne Modelo Regis
