Caloocan City – Tinatayang Php340,000 halaga ng shabu ang nakumpiska sa isang suspek sa buy-bust ng PNP at PDEA nito lamang Biyernes, Abril 15, 2022.
Kinilala ni PBGen Randy Peralta, Director ng PDEG ang suspek na si Carry James Gabriel, 31, single at residente ng Palmario 1, Tonsuya, Malabon.
Ayon kay PBGen Peralta, dakong 12:56 ng madaling araw naaresto si Gabriel sa Brgy. 69, Baltazar II, Grace Park, West Caloocan sa pinagsanib puwersa ng mga operatiba ng SOU 1 (Lead Unit) kasama ng Intelligence Section ng Caloocan City Police Station at PDEA.
Nakumpiska sa kanya ang humigit-kumulang 50 gramo ng hinihinalang shabu na may Standard Drug Price (SDP) na Php340,000, boodle money at isang genuine na Php1,000 bill na ginamit bilang buy-bust money.
Mahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
Tiniyak ni General Peralta na ang Pambansang Pulisya ay patuloy sa kampanya laban sa ilegal na droga.
Source: PNP DEG
###
Panulat ni PSSg Remelin Gargantos
