Camp Ruperto Kangleon, Palo, Leyte – Nagpadala ang Police Regional Office 8 ng 100 pang Search and Rescue personnel sa Baybay City, Leyte nito lamang Abril 14, 2022.
Ang 100 SAR Team ay pinadala ni PBGen Bernard Banac, Regional Director ng PRO 8 sa isinagawang Send-off Ceremony na pinangunahan ni Police Colonel Jose Manuel Payos, Chief ng Regional Community Affairs and Development Division (RCADD) sa PRO 8 Grandstand.
Ayon kay PBGen Banac, papalitan ng nasabing mga tauhan ng SAR ang 100 tauhan na dati nang ipinadala tatlong araw na ang nakakaraan sa mga lugar sa Baybay City na lubhang naapektuhan ng Tropical Storm Agaton upang sila ay makapag-refresh, makapag-supply at makapaglaba.
“Tuloy-tuloy pa rin ang ating rescue operations kasama ang ating relief operations. Sa paglipas ng mga araw, naging mahirap para sa ating lahat lalo na sa mga biktima ng hindi magandang pangyayaring ito. Ang buong PRO 8 ay ginagawa ang lahat ng aming makakaya upang makatulong sa mas maraming paraan kaysa sa isa,” saad ni PBGen Banac.
###
Panulat ni PMSg Leah Lyn Q Valero
