Taguig City — Tinatayang Php150,960 halaga ng shabu ang nakumpiska sa magkahiwalay na buy-bust ng Taguig PNP nito lamang Huwebes, Abril 14, 2022.
Ayon kay Southern Police District Director Jimili Macaraeg, bandang 1:40 ng madaling araw naaresto ang tatlong drug suspects sa Sitio Kaunlaran Brgy. Western, Bicutan sa isinagawang oplan galugad ng mga tauhan ng Taguig City Police Sub-Station 2.
Kinilala ni PBGen Macaraeg ang mga suspek na sina Ephraim Jr Leysa y Vista, construction worker, 36; Isalino Galo y Guder, 39; at Kim Datiles, 27, construction worker.
Nakuha mula sa tatlong suspek ang tatlong heat-sealed transparent plastic sachet na naglalaman ng hinihinalang shabu na humigit-kumulang 2.2 gramo at nagkakahalaga ng Php14,960, at isang brown coin purse.
Samantala, sa Taguig City pa rin, bandang 3:30 ng madaling araw nahuli sa Viscara Street Brgy. New Lower Bicutan ang magkapatid na sina Mar Andrew Simbulan y Barredo alyas “Russel”, 33, at Angelito Simbulan y Barredo, 20 sa buy-bust operation ng Taguig City Police Station-Station Drug Enforcement Unit (SDEU).
Narekober sa kanila ang pitong heat-sealed transparent plastic sachet na naglalaman ng hinihinalang shabu na humigit-kumulang 20 gramo at may Standard Drug Price (SDP) na Php136,000, Php300 bilang buy-bust money, at brown coin purse.
Ang mga naarestong suspek ay mahaharap sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PBgen Macaraeg na patuloy pang paiigtingin ng kanyang hanay ang kampanya kontra ilegal na droga alinsunod sa bago nitong bersyon na “fight against drugs” ng ADORE o Anti-Illegal Drugs Operation thru Reinforcement and Education.
Source: SPD PIO
###
Panulat ni PSSg Remelin M Gargantos
