Davao del Sur – Kumita ng Php16,800 na halaga ang binuong People’s Organization ng Revitalized-Pulis sa Barangay mula sa kanilang palaisdaan sa Purok 6, Sitio Lower Mantalaki, Brgy. Darapuay, Bansalan, Davao del Sur, noong Abril 13, 2022.
Sa tulong ng R-PSB Darapuay sa pangunguna ni PLt Jergie Carumba ay umani ng 120 kilos na tilapia ang mga miyembro ng Santisima Fisher Folk Association mula sa pangkabuhayan na ipinagkaloob sa kanila ng R-PSB.
Naging matagumpay ang nasabing livelihood project dahil sa patuloy na pagsuporta ng R-PSB kung saan ang kanilang kinikita ay idadagdag bilang panibagong pondo na malaking tulong sa kanilang pang-araw-araw na pamumuhay.
Ito ay isa lamang sa mga Quick Impact Project (QIP) ng RPSB na naglalayong mapabuti ang pagiging produktibo at kakayahang kumita ng mga tilapia farmers sa kanilang napiling livelihood program.
###
Panulat ni Patrolwoman Rose Ann Delmita
