Zamboanga City – Tinatayang Php225,000 halaga ng shabu ang nakumpiska sa dalawang suspek sa buy-bust operation ng Zamboanga PNP, nito lamang Biyernes, Abril 15, 2022.
Kinilala ni Police Major Ramon Bautista Jr., Chief of Police ng Zamboanga City Police Station 4, ang dalawang suspek na sina Joana Vidad Bello alyas “Tata”, 33, walang trabaho at residente ng Barigon Drive, Brgy. Tugbungan, Zamboanga City at James Ilahan De Asis alyas “James”, 34, walang trabaho, at residente ng Love Drive, Brgy. Lower Calarian, Zamboanga City.
Ayon kay PMaj Bautista, bandang 3:14 ng madaling araw nang mahuli ang dalawang suspek sa Purok 4, 28 IB, Brgy. Upper Calarian, Zamboanga City sa pinagsanib na puwersa ng Zamboanga City Police Station 4 at City Drug Enforcement Unit.
Saad pa ni PMaj Bautista, nakumpiska sa dalawang suspek ang pitong sachets ng hinihinalang shabu na may tinatayang timbang na 33.1 gramo na nagkakahalaga ng Php225,000; isang bundle ng boodle money na Php1,000 bill; limang pirasong Php100 bill bilang marked money at isang coin purse.
Mahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
###
Panulat ni Patrolman John Ronald Tumonong/RPCADU 9
