San Quintin, Pangasinan – Arestado ang Top 3 Most Wanted Person sa kasong Frustrated Murder sa operasyon ng San Quintin PNP noong Martes, Abril 12, 2022.
Kinilala ni Police Captain Ramsey Ganaban, hepe ng San Quintin Police Station, ang suspek na si Remegio Lopez y Retotar, 63, may asawa, magsasaka at nakatira sa Barangay Cabalaoangan, San Quintin, Pangasinan.
Ayon kay PCpt Ganaban, bandang 11:30 ng gabi naaresto ang suspek sa nasabing barangay sa operasyon ng San Quintin PS.
Ayon pa kay PCpt Ganaban, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang Pambansang Pulisya ay magpapatuloy na tutugisin ang mga taong may pananagutan at nagtatago sa batas at sisiguraduhin din na mabigyan ng hustisya ang mga nagiging biktima ng krimen.
Source: San Quintin Police Station
###
Panulat ni PSSg Carmela G Danguecan
