Sumuko sa mga awtoridad si alyas “Ka Rigor”, 36 taong gulang na residente ng Sitio Mangas-as, Brgy. Tambobong, Baguio District, Davao City, matapos ang matagal na panahon na pakikiisa sa teroristang grupo.
Si alyas “Ka Regor” ay isang Squad Leader ng Squad-1 Guerilla Front Committee (GFC)-53 sa ilalim ni Commander Bobby at Commander Jingoy na kumikilos sa mga lugar ng Sitio White Culaman, Kitao-tao, Bukidnon at iba pang bahagi ng Baguio District at Toril District, Davao City.
Kasama ng kanyang boluntaryong pagsuko ay ang pagsuko rin nito ng dalawang (2) yunit ng Magnum 357 na walang serial number, isang (1) yunit ng improvised M14, isang (1) yunit ng improvised shotgun at apat (4) na bala ng M14.
Naging matagumpay ang pagsuko nito sa pamamagitan na rin ng pagtutulungan at koordinasyon ng mga tauhan ng Baguio Police Station na pinamumunuan ni PMaj Ricky Abrigo Obenza, Station Commander; Presidential Anti-Organize Crime Commission (PAOCC) sa pangunguna ni PMaj Alvin O Senente; Regional Special Operation Group (RSOG) sa pamumuno naman ni PLtCol Ronald L Lao; City Intelligence Unit (CIU) na pinangunahan ni PLtCol Alfredo L Miguel; RMFB 1105th MC sa pangunguna ni PCpt Collin S Rama; at mga tauhan ng City Mobile Force Company (CMFC) sa pamumuno ni PMaj Florante S Retes.
Sa kasalukuyan, si alyas “Ka Regor” at ang mga isinukong armas nito ay nasa kustodiya ng Baguio Police Station 11, Davao City Police Office para sa tamang disposisyon.
####
Article by Police Corporal Mary Metche A Moraera
