Silay City, Negros Occidental – Kalaboso ang isang lalake sa inilunsad na buy-bust operation ng PNP Drug Enforcement Group sa Silay City Negros Occidental nitong Abril 12, 2022.
Kinilala ni Police Lieutenant Colonel Rogelio Pacificar, Officer-In-Charge, PNP DEG Special Operations Unit 6, ang suspek na si Helmar Suspene Bituon, alyas “Bungo”, 34 anyos.
Ayon kay PLtCol Pacificar, saktong alas sais ng umaga nahuli si Bituon sa Matagoy Interior, Barangay Rizal, Silay City ng mga tauhan ng PNP DEG Special Operations Unit 6 at Silay City Police Station sa pamumuno ni Police Lieutenant Colonel Robert Petate.
Dagdag pa ni PLtCol Pacificar, nakumpiska kay Bituon ang humigit kumulang 75 grams ng hinihinalang shabu na may Standard Drug Price na Php510,000, isang black pouch, at buy-bust money.
Ang suspek ay nahaharap sa kasong paglabag sa Comprehensive Dangerous Drugs Act of 2002 (RA 9165), na agad na dinala sa Silay City Police Station.
Siniguro naman ng PNP Silay na walang nalalabag na anumang karapatang pantao sa suspek nang isinagawa ang naturang operasyon na gumamit pa ng Body Worn Cameras at Audio Recording Device sa kasagsagan ng buy-bust.
###
