Taytay, Rizal – Tinatayang Php170,000 halaga ng shabu ang nakumpiska sa isang indibidwal sa buy-bust operation ng Rizal PNP nito lamang Lunes, Abril 11, 2022.
Kinilala ni Police Colonel Dominic Baccay, Provincial Director ng Rizal PNP ang suspek na si Angelo Barquilla Sarmiento, alyas Angelu, 43, residente ng Dilang 1 Nagpayong, Brgy. Pinagbuhatan, Pasig City.
Ayon kay Police Colonel Baccay, bandang 7:30 ng gabi naaresto ang suspek sa Kaytikling, Brgy. Dolores, Taytay ng Provincial Intelligence Unit at Provincial Drug Enforcement Unit.
Ayon pa kay Police Colonel Baccay, nakuha mula sa suspek ang walong pirasong heat-sealed plastic sachet na may kabuuang timbang na 25 gramo ng hinihinalang shabu na nagkakahalaga ng Php170,000, isang dirty white pouch, isang pirasong Php500 bill na marked money, at tatlong piraso na Php100.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy sa kampanya laban sa ilegal na droga sa lugar upang mapanatili ang maayos at ligtas na komunidad.
Source: Rizal Police Provincial Office
###
Police Executive Master Sergeant Elvis C Arellano
