Cavite – Tinatayang Php27,600,000 halaga ng shabu ang nakumpiska sa babaeng suspek sa isinagawang controlled delivery operation ng PNP nito lamang Martes, Abril 12, 2022.
Kinilala ni Police Colonel Arnold Abad, Provincial Director ng Cavite Police Provincial Office ang suspek na si Leonila Dela Cruz, 46, residente ng Blk II Lot 18 Phase 2A, Southville, Brgy. Aguado, Trece Martires City, Cavite.
Ayon kay Police Colonel Abad, bandang 8:00 ng gabi naaresto si Dela Cruz sa mismong bahay nito ng pinagsanib na pwersa ng Philippine Drug Enforcement Agency Regional Office III – Pampanga Police Office, Philippine Drug Enforcement Agency 4A, Regional Special Enforcement Team 1 at 2, Philippine Drug Enforcement Agency Regional Office III Clark III Inter Agency Drug Interdiction Task Group Bureau of Custom Port of Clark, Aviation Security Enforcement Unit 3, Philippine Drug Enforcement Agency Cavite Police Office, Philippine Drug Enforcement Unit Cavite at Trece Martires City Police Station.
Ayon pa kay Police Colonel Abad, nakumpiska mula sa suspek ang tinatayang apat na kilo ng hinihinalang shabu na nagkakahalaga ng Php27,600, 000, dalawang identification card at isang yunit ng keypad Phone.
Nahaharap ang suspek sa kasong paglabag sa Comprehensive Dangerous Drugs Act of 2002 o Republic Act 9165.
Ang tagumpay ng PNP katulong ang ibang ahensya ay nagpapakita lamang na ginagawa ang lahat ng makakaya upang masugpo ang ilegal na droga at mga kriminalidad para manatiling ligtas ang komunidad.
###
Police Executive Master Sergeant Joe Peter Cabugon
Great job PNP salamat po