Camp Brigadier General Salipada K. Pendatun – Matagumpay na naisagawa ng Police Regional Office BAR ang mass mobilization activities laban sa CPP/NPA at Local Terrorist Groups sa kabila ng masamang panahon na dala ng Tropical Storm “Agaton” sa Camp Salipada K Pendatun, Parang, Maguindanao noong Abril 11, 2022.
Ang naturang aktibidad ay pinamunuan ni Police Brigadier General Arthur Cabalona, Regional Director, PRO BAR at dinaluhan ni Deputy Chief PNP for Administration at PNP Focal Person ng Duterte Legacy Caravan na si Police Lieutenant General Rhodel Sermonia.
Kasama din sa aktibidad ang mga kinatawan mula sa iba’t ibang ahensya ng gobyerno na sina Regional Director Eduardo Marque ng National Intelligence Coordinating Agency 12; Atty. Naguib Sinarimbo ng DILG; Abdul-Aziz Dagalangit ng KKDAT; Atty Cherry Anne Dela Cruz ng National Coalition ng Lingkod-Bayan Advocacy Support Groups, at Force Multipliers, gayundin ang mga Head ng iba’t ibang GO at NGO.
Nagsimula ang aktibidad sa isang executive meeting (lecture/dialogue/konsultasyon) kasama ang lahat ng Provincial Director/City Director at mga pangunahing opisyal ng PRO BAR.
Sinundan ito ng The Duterte Legacy Caravan, kung saan pinagsama-sama ang lahat ng ahensya ng gobyerno, Advocacy Supports Groups, at iba pang stakeholders at nakita ang paghahatid ng iba’t ibang frontline services sa mahigit 2000 recipients mula sa iba’t ibang sektor.
###
Panulat ni Patrolman Charlie Nasroden Corpuz
