Infanta, Quezon – Arestado ang Top 6 Most Wanted Person (Municipal Level) sa kasong Attempted Murder sa bayan ng Infanta sa isinagawang Manhunt Charlie ng Infanta PNP nito lamang Lunes, Abril 11, 2022.
Kinilala ni Police Major Francis Aldrich Garcia, Chief of Police ng Infanta Municipal Police Station, ang suspek na si Artemio Salvador Ariz Jr, 22, construction worker at residente ng Purok Pabahay Brgy. Ilog, Infanta, Quezon.
Ayon kay PMaj Garcia, bandang 2:00 ng hapon naaresto ang supek sa naturang lugar ng mga operatiba ng Infanta Municipal Police Station.
Ayon pa kay PMaj Garcia, si Ariz ay naaresto sa bisa ng Warrant of Arrest sa ilalim ng Criminal Case Number 2021-78-I sa kasong Attempted Murder at may nirekomendang piyansa na Php120,000.
Samantala, lalo pang pagbubutihin ng Infanta PNP ang kanilang trabaho at serbisyo publiko upang maging ligtas sa droga, terorismo at kriminal para sa kabutihan at ikakaunlad ng kanilang nasasakupan.
Source: Infanta Municipal Police Station
###
Panulat ni Police Staff Sergeant Grace Neville Ortiz
