Ilocos Sur – Isinagawa ng Ilocos Sur PNP ang Padyakan sa Police Regional Office 1 Ilocos Sur Leg kaugnay sa Secure, Accurate, Free and Fair National and Local Elections 2022 nitong Sabado, Abril 9, 2022.
Ang aktibidad ay pinangunahan ni Provincial Director, Police Colonel Wilson Doromal ng Ilocos Sur Police Provincial Office at dinaluhan ni Regional Director, Police Brigadier General Westrimundo Obinque ng Police Regional Office 1 at ilang Command Group, mga Chief of Police/Officer-in-Charge, Non-Uniformed Personnel at mga sibilyan ng Ilocos Sur na may kabuuang 1,043 bikers.
Sinimulan ang aktibidad sa isang masinsinang panalangin na sinundan ng basic exercises.
Nagsagawa din ng route security ang mga kapulisan mula sa siyudad ng Vigan at sa bayan ng San Vicente at nagtapos sa bayan ng Santo Domingo, Ilocos Sur upang masigurado ang seguridad ng mga lumahok na bikers.
Binigyan naman ng parangal ang one leg biker, pinakabata, pinakamatandang kalahok at ang sampung unang nakarating sa finish line ng nasabing aktibidad.
Pagkatapos ng aktibidad, ang mga grupo ay nagtanim ng mga puno sa Brgy. San Sebastian, San Vicente, IIocos Sur.
Layunin ng aktibidad na palakasin ang pangangatawan ng mga bikers at isulong ang pagtutulungan ng bawat isa para makamit ang isang maayos at malinis na halalan sa darating na ika-9 ng Mayo 2022.
Source: Ilocos Sur PPO
###
Panulat ni PSSg Lhenee B Valerio
