Zamboanga City – Personal na binisita at nag-abot ng tulong pinansyal si Police Brigadier General Franco Simborio, Regional Director ng Police Regional Office 9 kasama ang Command Group, sa apat na sugatang pulis ng Zamboanga PNP dahil sa aksidente nito lamang gabi ng Sabado, Abril 9, 2022.
Ang apat na pulis ay naaksidente nang mawalan ng control ang driver ng police mobile, dahil sa malakas na ulan at madulas na daan na dahilan ng pagkabangga ng sasakyan sa isang kahoy na nasa gilid ng daan noong Abril 7, 2022.
Kinilala ni PBGen Simborio ang apat na sugatang pulis na sina Police Staff Sergeant Eric Panangitan, Patrolwoman Princess Ann Adaza, Patrolman Ray Francisco at Patrolwoman Cherrie Ann Armoganda.
Sa ngayon, ang apat ay nagpapagaling pa sa pagamutan dahil sa mga sugat na natamo.
Dagdag pa ni PBGen Simborio, na ang kapakanan ng kanyang mga tauhan ang pinaka-importante sa lahat. Sa ganitong sitwasyon ay ang agarang tulong pinansyal ang kailangan ng pamilya ng nasugatang mga pulis.
Taos-pusong pasasalamat naman ang handog ng mga pamilyang nabigyan ng suporta at tulong pinansyal mula kay PBGen Simborio at ng Zamboanga PNP.
###
Panulat ni Police Staff Sergeant Grace Neville L Ortiz
