Antipolo City, Rizal – Arestado ang Top 1 Most Wanted Person (Provincial Level) sa Antipolo City sa kasong Rape at paglabag sa RA 7610 sa manhunt operation ng PNP nitong Martes, Abril 5, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Roman Legaspi Timola, 53, residente ng Unit 7, Pagrai Hills, Brgy. Mayamot, Antipolo City, Rizal.
Ayon kay PCol Baccay, bandang 4:44 ng hapon naaresto ang suspek sa M. Santos Ext. Brgy. San Jose, Antipolo City sa manhunt operation ng Antipolo City Police Station.
Dagdag pa ni Police Colonel Baccay, naaresto ang suspek sa bisa ng Warrant of Arrest sa kasong Rape na walang nirekomendang piyansa at paglabag sa RA 7610 na may rekomendadong piyansa na Php200,000.
Ang tagumpay ng Pambansang Pulisya laban sa mga taong may pananagutan sa batas ay bunga ng pakikipagtulungan ng mamamayan.
Source: Antipolo City Police Station
###
Panulat ni Police Executive Master Sergeant Elvis C Arellano
