Makati City – Arestado ang Top 11 Most Wanted Person ng Makati City sa kasong Qualified Theft sa manhunt operation ng Makati City PNP nito lamang Miyerkules, Abril 6, 2022.
Kinilala ni District Director Police Brigadier General Jimili Macaraeg ng SPD ang suspek na si Allan Gonzalvo y Ramos, 49.
Ayon kay PBGen Macaraeg, bandang 9:55 ng umaga naaresto si Gonzalvo ng mga operatiba ng Makati City PNP sa No. 2 Lawton Ave., Brgy. Northside, Makati City.
Naaresto ang suspek sa bisa ng Warrant of Arrest sa kasong Qualified Theft na inisyu ng korte noong Enero 16, 2012.
“Nais kong pasalamatan ang Makati PNP sa kanilang walang patid na pagsisikap sa kanilang ginagawang manhunt operations sa mga Most Wanted Person sa ating lugar upang mapanagot ang mga ito sa mga krimen na kanilang ginawa. Tinitiyak namin sa inyo na ang aming pinaigting na kampanya laban sa mga wanted na tao ay patuloy na isasagawa sa ilalim ng aking pamumuno,” paniniyak ni General Macaraeg.
Source: SPD PIO
###
Panulat ni PSSg Remelin Gargantos
