Anda, Pangasinan – Arestado ang Top 9 Most Wanted Person (Municipal Level) ng Aurora sa kasong Incestuous Rape sa casing and surveillance operation ng PNP nitong Miyerkules, Abril 6, 2022.
Kinilala ni Police Major Jeffren Javar, Officer-in-Charge ng Dilasag Municipal Police Station, ang suspek na si Joseph Bauzon y Carolino, walang asawa, 41, residente ng Sitio Kasaysayan, Brgy. Diagyan, Dilasag, Aurora.
Ayon kay PMaj Javar, bandang 6:00 ng umaga naaresto si Bauzon sa Barangay Cabungan, Anda, Pangasinan, sa casing and surveillance operation ng pinagsanib na puwersa ng Dilasag Municipal Police Station at Barangay Information/Intelligence Network ng Barangay Diagyan, Dilasag, Aurora.
Ayon pa kay PMaj Javar, naaresto si Bauzon sa bisa ng Warrant of Arrest sa kasong Incestuous Rape na walang nirekomendang piyansa.
Ang ating kapulisan ay mas paiigtingin ang mga operasyong laban sa mga wanted person upang mahuli ang mga kriminal na patuloy na nagtatago sa batas at para mabigyan ng hustisya ang biktima.
###
Panulat ni Patrolwoman Hazel Rose Bacarisa
