Camp Crame, Quezon City – Ginawaran ng Philippine National Police ng Letter of Commendation si Mr. Jerry Gonzales, isang miyembro ng Anti-Crime and Community Emergency Response Team (ACCERT) na kabilang sa PNP Accredited Non- Government Organizations at Lingkod-Bayan Advocacy Support Group.
Ginawaran si Gonzales dahil sa kanyang kabutihan at katapatan sa pagsauli ng isang bag na naglalaman ng perang nagkakahalaga ng Php32,000 at iba pang mga mahahalagang gamit.
Tubong Pampanga, siya ay isang aktibong miyembro ng ACCERT Arayat Chapter.
Ang kanyang kabutihan at katapatan ay nagpakita ng isang halimbawa sa pagtulong sa pamahalaan, partikular ang mga kapulisan sa pagkakaroon ng isang maayos at payapang komunidad.
###
