Tacloban City – Arestado ang isang menor de edad na wanted sa kasong Robbery with Homicide sa isinagawang operasyon ng pulisya ng Tacloban City nito lamang Martes, Abril 5, 2022.
Kinilala ni Police Major Winrich Laya Lim, Police Station 2 Commander, Tacloban City Police Office, ang naaresto na si alyas “Gevie”, menor de edad, residente ng Brgy. 49 Youngfield, Tacloban City.
Ayon kay PMaj Lim, nahuli si alyas Gevie sa Barangay 1 & 4, Trece Martires, Tacloban City sa bisa ng Warrant of Arrest na ikinasa ng mga operatiba ng Police Station 2, Tacloban City Police Office.
Ayon pa kay PMaj Lim, nakumpiska mula sa suspek ang isang pirasong brown sling bag na naglalaman ng isang unit ng 38 caliber revolver, isang pirasong 38mm ACP live ammunition at maliit na itim na kahon na naglalaman ng tatlong pirasong sachet ng hinihinalang shabu.
Maliban sa kasong murder, ang suspek ay nahaharap sa kasong paglabag sa RA 10591 kaugnay ng Comelec Resolution 10728 (Gunban) & Art. II sec. 11 ng RA 9165 na ngayon ay nasa kustodiya ng PS2 bago i-turn over sa court of origin.
###
Panulat ni Patrolwoman Rialyn B Valdez
