Lucban, Quezon – Nagsagawa ng Bike for a Cause ang kapulisan ng Lucban Municipal Police Station na may temang “Bisikleta Kontra Droga at Terorismo” nito lamang Linggo, Abril 3, 2022.
Pinangunahan ni Police Major Gerry Abalos, Chief of Police ng Lucban Municipal Police Station, ang nasabing programa na nilahukan ng mga miyembro ng kapulisan, bikers, at kabataan.
Bandang 8:00 ng umaga ng sinimulan ang aktibidad at 150 bikers ang lumahok at kumasa sa hamon ng Bike for a Cause.
Ang layunin ng naturang aktibidad ay ilayo ang kabataan sa ilegal na droga, bagkus hilahin sa makabuluhang pagbibisekleta upang mas lumakas ang resistensya at malayo sa masamang impluwensya ng barkada.
Source: Lucban Municipal Police Station
###
Panulat ni Police Executive Master Sergeant Ronald V Condes
