Lantapan, Bukidnon – Arestado ang isang lalaki na kabilang sa Directorate for Intelligence listed, PNP-PDEA High Value Individual (Provincial Level) sa isinagawang Search and Seizure Order sa paglabag sa RA 10591 nitong Martes, ika 5 ng Abril, 2022.
Kinilala ni Police Colonel Jun Mark Lagare, Provincial Director ng Bukidnon Police Provincial Office ang suspek na si Ronal Rivas y Rubin aka “Botchoy”, 45, magsasaka at residente ng P-2A, Barangay Poblacion, Lantapan, Bukidnon.
Ayon kay PCol Lagare ang suspek ay naaresto bandang 2:30 ng madaling araw sa pinagsanib na pwersa ng Lantapan Municipal Police Station; 1st Provincial Mobile Force Company; Bukidnon Provincial Drug Enforcement Unit; Provincial EOD/Canine Unit; Bukidnon Provincial Intelligence Unit at 3rd Special Forces Company.
Dagdag pa ni PCol Lagare, naaresto si Botchoy sa bisa ng Search and Seizure Warrant Number 020 para sa paglabag sa Illegal Possession of Firearms and Ammunitions.
Nakumpiska sa operasyon ang isang unit Cal. 45 Syracuse Pistol na may serial no. 81753; isang Cal. 45 Steel Magazine; pitong Cal. 45 Cartridges; isang hand Grenade; dalawang pirasong heat-sealed transparent plastic sachet na may lamang hinihinalang shabu; tatlong pirasong heat-sealed transparent plastic sachet in rectangular shape na may lamang hinihinalang shabu; isang pirasong transparent tube; black Maxman aluminum sliding box; isang pirasong improvised needle at anim na unused folded aluminium foil.
Ang kabuuang timbang ng nakumpiskang hinihinalang shabu ay humigit kumulang 4.1 gramo na nagkakahalaga ng Php27,880.
“Ang War on Drugs ni Pangulong Rodrigo Roa Duterte ay isang whole-of-nation approach. Kaya naman, hinihikayat ang komunidad na suportahan ang pulisya at iba pang ahensyang nagpapatupad ng batas sa paglaban sa mga kriminalidad para makamit natin ang walang droga, ligtas at mapayapang Bukidnon” dagdag pa ni PCol Lagare.
Source: Lantapan Municipal Police Station
###
Panulat ni Patrolman Joshua C Fajardo, RPCADU 10
