Jose Panganiban, Camarines Norte – Naaresto ang Top 2 Provincial Most Wanted Person ng Quezon sa kasong Rape sa Manhunt Charlie Operation ng mga pulisya sa Camarines Norte nitong Linggo, Abril 3, 2022.
Kinilala ni Provincial Director, Police Colonel Julius Guadamor, Camarines Norte Police Provincial Office ang akusado na si alyas “Badong”, 32, binata, isang minero at residente ng Barangay Camagong, Alabat, Quezon.
Ayon kay PCol Guadamor, bandang 12:20 ng hapon naaresto si Badong sa Barangay Osmeña, Jose Panganiban, Camarines Norte sa pinagsanib na puwersa ng Jose Panganiban Municipal Police Station at Alabat Municipal Police Station.
Ayon pa kay PCol Guadamor, si Badong ay nahaharap sa kasong 3 counts rape at walang inirekomendang piyansa.
Ang pulisya ng CamNor ay mas papalawakin at papaigtingin ang kampanya laban sa mga kriminalidad para mahuli ang mga taong lumalabag sa batas at mabigyan ng hustiya ang mga biktima.
Source: Camarines Norte PPO
###
Panulat ni Patrolman Jomar Danao
