Camp Crame, Quezon City – Mariing pinaalalahanan ni Philippine National Police Chief, Police General Dionardo Carlos, ang buong hanay ng kapulisan na sumunod at isapuso ang bawat polisiya ng Philippine National Police, sa kaniyang mensahe sa katatapos lamang na Traditional Monday Flag Raising Ceremony nitong umaga ng Lunes, Abril 4, 2022.
Aniya, “From me, as your Chief PNP, down to the Patrolman and Patrolwoman on the ground. Let us follow the instructions and the directives of the Commander in Chief. So, I always relay that to you.”
Sa kaniyang pahayag, ibinida rin niya at pinasasalamatan ang mga kapulisan sa mga significant accomplishments nito mula Enero hanggang Marso na ayon sa kaniya ay napakagandang performance ng PNP base sa mandato nito.
Pinuna niya rin ang iilang pasaway sa hanay, aniya: “Nagpeperform po ang ating Pulis (PNP), the one that is distracting us, yan po yong ating ina-aksiyonan kaagad through the CIDG, and the leadership at different levels.”
“They are not representing us on the daily basis, it is your good accomplishment, your performance that is captured on a day-to-day basis by the official reports and the data we have,” dagdag pa niya.
Kasabay ring isinagawa ang pagbibigay pagkilala sa mga tauhan ng PNP Drug Enforcement Group sa matagumpay na operasyon nito na nagresulta sa pagkahuli sa isang Foreign National at pagkasabat ng higit 13 milyong pesos na halaga ng shabu.
Samantala, tiniyak naman ni Police General Carlos na mananatiling bukas ang himpilan lalo na sa mga lokal na komunidad na tanggapin at bigyang pansin ang kahit anumang hinanaing nila.
###
