General Mariano Alvares, Cavite – Tinatayang Php2,070,000 halaga ng shabu ang nakumpiska sa apat na suspek sa buy-bust operation ng kapulisan ng General Mariano Alvarez, Cavite nitong Martes, Marso 29, 2022.
Kinilala ni Police Colonel Arnold Abad, Provincial Director, Cavite Police Provincial Office, ang mga suspek na sina Dianne Rongavilla Fidesdi, 34; Myka Obias y Tumang, 25; Rechelle Habab y Apion, 28; pawang mga residente ng Bock 31 Excess Lot, Brgy. Narra 1, Bullihan, Silang, Cavite at Julius Obias y Nunez, 28, driver, residente ng Area C Chess Clinic Compound, Tramo, Pasay City.
Ayon kay Police Colonel Abad, bandang 6:13 ng hapon naaresto ang mga suspek sa Brgy. Maderan, GMA, Cavite ng pinagsanib na puwersa ng Provincial Intelligence Unit/Provincial Drug Enforcement Unit ng Cavite at General Mariano Alvarez Municipal Police Station.
Nahuli ang tatlong suspek habang aktuwal na nagbebenta ng hinihinalang shabu sa otoridad na nagpanggap bilang poseur-buyer habang ang isa ay aktuwal na nakahawak ng isang nakatali na plastic ng hinihinalang shabu.
Ayon pa kay Police Colonel Abad, nakumpiska sa mga suspek ang limang nakatali na plastic na naglalaman ng hinihinalang shabu na tinatayang may bigat na 300 gramo at nagkakahalaga ng Php2,070,000, isang piraso na Php500 bill dusted money na may Serial Number CV900162 at isang bugkos na pekeng pera na ginamit bilang buy-bust money.
Nahaharap ang apat na suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Pambansang Pulisya ay lalo pang paiigtingin ang kampanya laban sa ilegal na droga at iba pang krimen upang mapanatiling ligtas at mapayapa ang komunidad.
###
Police Executive Master Sergeant Joe Peter V Cabugon
Tagumpay galing ng mga pulis