Tambler, General Santos City – Pinangunahan ni Police Brigadier General Alexander Tagum ang pagsasagawa ng Signing of PNP Pledge of Commitment kaugnay sa 2022 National and Local Elections na ginanap sa Tambler, General Santos City nito lamang Miyerkules, Marso 30, 2022.
Layunin ng aktibidad na siguraduhin na ang kapulisan ng PRO12 ay tunay na magiging tapat sa kanilang sarili at sa kanilang tungkulin bilang miyembro ng PNP upang mapanatili ang mapayapa at malayang halalan.
Ayon kay Tagum, bilang isang public servant dapat tiyakin na ang kaganapang ito ay protektado lalong lalo na ang mga karapatan ng mamamayan.
Ang mga mandato bilang miyembro ng PNP ay nananatili at dapat manatiling hindi konektado sa kahit anong political party lalong lalo na sa pagpatupad ng mga tungkulin at responsibilidad sa anumang panahon.
“Meron ka mang kamag-anak, mga kaibigan, meron ka mang dating boss, we should not involve in any kind of political activities.” dagdag pa ni PBGen Tagum.
###
Panulat ni Patrolman Khnerwin Jay Medelin
