Nakumpiska ang higit Php280,000 halaga ng pekeng sigarilyo sa ikinasang buy-bust operation ng pinagsamang pwersa ng mga tauhan ng Bataan PPO sa ilalim ng pamumuno ni PCol Joel K Tampis, CIDG PFU Bataan, CIDG RFU 3, RID PRO3, PIU Bataan at Samal MPS at sa kanilang pakikipag-ugnayan sa Phillip Morris Fortune Tabacco Corporation (PMFTC INC.) at Japan Tobacco International Philippines Inc. (JTI Inc.) sa Sitio Torres, Brgy. San Juan, Samal, Bataan, kamakailan.
Naaresto ang suspek na kinilalang si Mark Kalvin Bernardo y Santa Maria, 34 taong gulang, businessman at residente ng Sitio Torres, Brgy. San Juan, Samal, Bataan.
Nakuha mula sa suspek ang 35 reams ng Marlboro Red; 37 reams ng Marlboro lights; 38 reams ng Fortune green; 45 reams ng Fortune lights; 28 reams ng Mighty menthol soft packs; 11 reams ng Mighty menthol fliptop; 38 reams ng Jackpot green; dalawang (2) reams ng Marvels red; 13 reams ng Marvels green menthol; at isang (1) Php1,000 bill marked-money. Ang mga nakumpiskang pekeng sigarilyo ay tinatayang nagkakahalaga ng Php285,600.
Ang suspek ay haharap sa kasong paglabag sa RA 8293 o Intellectual Property Rights.
#####
 Article by Patrolwoman Maria Elena S Delos Santos
