Minalin, Pampanga – Tinatayang Php435,200 halaga ng shabu ang nakumpiska sa isang drug pusher sa buy-bust operation ng kapulisan ng Pampanga nito lamang Linggo, Marso 27, 2022.
Kinilala ni Police Lieutenant Colonel Protom Guevarra ng Regional Police Drug Enforcement Unit 3, ang suspek na si Jaffar Usman y Diron, 33, may trabaho, residente ng Barangay San Pedro Cutud, San Fernando, Pampanga.
Ayon kay PLtCol Guevarra, bandang 9:26 ng umaga naaresto ang suspek sa Barangay Sto. Domingo, Minalin, Pampanga sa pinagsanib na operasyon ng Regional Police Drug Enforcement Unit 3 at Special Concern Unit – Regional Intelligence Division 3.
Ayon pa kay PLtCol Guevarra, nakuha mula sa suspek ang apat na pirasong sachet ng hinihinalang shabu (buy-bust item), isang pirasong Php1,000 (buy-bust money) na may serial number AA940240, siyam na piraso ng Php1,000 boodle money na ginamit bilang marked money, isang Vivo Cellphone, timbangan at sling bag na may kulay itim at berde.
Dagdag pa ni PLtCol Guevarra, ang apat na piraso ng heat-sealed transparent plastic sachet na naglalaman ng pinaghihinalaang shabu ay may kabuuang timbang na 64 gramo na nagkakahalaga ng Php435,200.
Aniya pa ni PLtCol Guevarra, mahaharap ang suspek sa kasong paglabag sa Section 5, 11, Article 2 Republic Act 9165 o Comprehensive Dangerous Drugs Act of 2002.
Ang Pambansang Pulisya ay mas pinapaigting ang kampanya laban sa ilegal na droga katuwang ang komunidad tungo sa mas maunlad at mapayapang bansa.
###
Panulat ni Pat Billy John G Bodoy
