Itinayo ng mga tauhan ng Revitalized-Pulis sa Barangay Nasiblan sa pangunguna ng kanilang Team Leader na si PLt Roland B Rubion ang kauna-unahang Christian Church, na kabilang sa kanilang Quick Impact Project (QIP), ang Conservative Baptist Church of the Phils na pinangangasiwaan ni Pastor Loloy Tabay sa Sitio Nasiblan, Brgy. Palma Gil, Talaingod, Davao del Norte.
Sa diwa ng Bayanihan, Hulyo 29, 2021 nang sinimulan ng mga tauhan ng R-PSB Nasiblan ang konstruksyon nito kasama ang mga residente at mga miyembro ng simbahan sa layuning mabigyan sila ng maayos na simbahan na siya ring kanilang matagal nang hinihiling kung saan pormal nang pinasinayaan nito lamang ika-9 ng Oktubre ng parehong taon.
Kabilang sa mga dumalo sa naging turn-over nito sina PLtCol Esteban Fernandez III, DPDO, DNPPO bilang kinatawan ni PCol Antonio Alberio Jr, Provincial Director, DNPPO; PMaj Rowena M Jacosalem, RCADD 11; PCpt Ian James Acal, OIC, PCADU, DNPPO; PEMS Giovanne Infantet, MESPO bilang representante ni PCpt Elfren N Barredo, OIC, Talaingod MPS; PSSg Ariel Gracia, Bravo Company 56 IB 10 ID PA; Datu Pogsing Bobonan, Tribal Datu; Brgy Councilor; at Curay Ebudan, Purok Leader ng Sitio Nasiblan.
Matapos nito, sa pangunguna ni PMaj Jacosalem at PLt Rubion, sila ay namahagi rin ng mga pre-loved clothes para sa mga katutubo ng Sitio na mula naman sa mga mabubuting stakeholders ng R-PSB Nasiblan.
Bukod dito, ang kanilang grupo ay binuo rin ang People’s Organization (PO) na R-PSB Nasiblan Young Gardeners Association at R-PSB Nasiblan Chicken Farmers Association para sa kanilang karagdagang kabuhayan at pagkakakitaan upang makatulong sa kani-kanilang pamilya lalo na sa panahon ng krisis.
Likas sa ating mga kapulisan ang pagiging Maka-Diyos at dito ay naipakita ng kanilang grupo ang kanilang pagsuporta sa pagpapalaganap ng Kristiyanismo sa lugar kung saan naniniwala sila sa kahalagahan ng moral at spiritwal na aspeto ng isang tao na siyang kinakailangan at magsisilbing pundasyon tungo sa kapayapaan at kaunlaran ng kanilang lugar. Ito ay isa lamang sa serbisyong may integridad para sa komunidad ng R-PSB Nasiblan.
#####
Article by Police Corporal Mary Metche A Moraera
