Tabuk City, Kalinga -Tinatayang Php240,000 halaga ng marijuana ang narekober sa isang suspek ng mga pulisya ng Tabuk City, Kalinga nito lamang Lunes, Marso 21, 2022.
Ayon kay Police Colonel Peter Tagtag Jr., Acting Provincial Director ng Kalinga Police Provincial Office, isang confidential informant ang nagreport sa Tabuk City Police Station na may hinihinalang marijuana sa hotel kung saan may isa umanong nagcheck-in na nakipagtransaksyon ng ilegal na droga.
Kinilala ni PCol Tagtag Jr., ang nahuling suspek na may edad na 22, residente ng 11A Orchids Street, IBC, Marikina City.
Ayon pa kay PCol Tagtag Jr., naaresto ang suspek sa Redstar Hotel, Purok 7, Bulanao, Tabuk City, Kalinga sa pinagsanib na puwersa ng Tabuk City Police Station, Provincial Drug Enforcement Unit, Provincial Intelligence Unit, Regional Special Operations Group/Regional Police Drug Enforcement Unit, 1st and 2nd Kalinga Police Mobile Force Company, Regional Intelligence Division, Police Regional Office Cordillera, at Regional Intelligence Unit-14.
Dagdag pa ni PCol Tagtag Jr., nakuha sa suspek ang dalawang bricks ng hinihinalang pinatuyong dahon ng marijuana at mga tangkay nito na humigit-kumulang 2,000 gramo at nagkakahalaga ng Php240,000.
Ang Pambansang Pulisya ay lalo pang paiigtingin ang kampanya laban sa ilegal na droga at mga krimen para manatiling ligtas at maayos ang komunidad.
###
Panulat ni Patrolwoman Febelyne Codiam
Buti nahuli yan mraming kabataan ang nasisira ang kinabukasan dahil s mga taong ganyan..saludo tayo s mga alagad ng batas