Cebu City – Naaresto ang Top 2 Regional Most Wanted Person ng Police Regional Office 7 sa kasong two counts of rape by sexual assault ng mga kapulisan ng Cebu City, ngayong araw ng Lunes, Marso 21, 2022.
Kinilala ni Police Brigadier General Eduardo Roque Vega, Regional Director ng Police Regional Office 7, ang suspek na si Zaldy Mandungog, 61, residente ng Zone 7, Brgy. Mantuyong, Mandaue City.
Ayon kay PBGen Vega, naaresto ang suspek bandang 8:45 ng umaga sa Zone 7, Brgy. Mantuyong, Mandaue City ng mga operatiba ng Criminal Investigation Branch Mandaue City at Regional Mobile Force Battalion 7 (Intel Provider) kasama ang mga kapulisan ng Consolacion MPS at Mandaue City Police Office, Station 1 at 3.
Ayon pa kay PBGen Vega, ang suspek ay naaresto sa bisa ng Warrant of Arrest na inisyu ng Branch 87 at Branch 25 ng Regional Trial Court ng Mandaue City, na may Criminal Case No. DU-40003MV at DU-40564 na may rekomendadong piyansa na Php200,000 bawat isa.
Ang matagumpay na operasyon ay bunga ng magandang ugnayan ng kapulisan at mamamayan upang sugpuin ang ano mang uri ng kriminalidad at mapanatiling ligtas ang komunidad.
###
