Wao, Lanao Del Sur – Tinatayang Php340,000 halaga ng shabu ang nakumpiska sa isang suspek sa buy-bust operation ng mga pulisya ng Lanao Del Sur nito lamang Linggo, Marso 20, 2022.
Kinilala ni Police Major Knievel Salem, Chief of Police ng Wao Municipal Police Station ang suspek na si Rakman Bilang Solo, 46, may asawa, residente ng Purok 6, Brgy. East, Kilikili, Wao, Lanao Del Sur.
Ayon kay Police Major Salem, bandang 11:55 ng umaga naaresto ang suspek sa kahabaan ng National Highway, Purok 2, Brgy. West Kilikili, Wao, Lanao Del Sur ng mga pinagsanib puwersa ng Special Operating Unit BAR, Wao Municipal Police Station, at 3rd MP ng Provincial Mobile Force Company ng Lanao Del Sur Police Provincial Office.
Ayon pa kay Police Major Salem, nakumpiska mula sa suspek ang humigit kumulang 50 gramo ng white crystalline substance na pinaghihinalaang shabu na may tinatayang Standard Drug Price na Php340,000.
Ayon pa kay Police Major Salem, kabilang sa nakumpiska mula sa suspek ang isang piraso ng genuine Php1,000 bill with serial number DP791091 na nakapatong sa boodle money na ginamit bilang buy-bust money, at isang unit ng Honda TMX Motorcycle with chassis no. KYA10041082 without plate number.
Aniya pa ni Police Major Salem, mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Magpapatuloy ang kapulisan sa pagpapaigting ng kampanya laban sa ilegal na aktibidad upang mapuksa ang mga kriminalidad at ilegal na droga.
###
Panulat ni Patrolman Mark Vincent Valencia
