Taguig City — Nagsagawa ng Community Outreach Program ang kapulisan ng Southern Police District sa Grandstand, SPD Headquarters, Fort Andres Bonifacio, Taguig City kahapon, Marso 18, 2022.
Ito ay pinamunuan ni Police Brigadier General Jimili Macaraeg, District Director ng SPD kasama ang kanyang may bahay na si Mrs. Ma. Rosie S Macaraeg at mga opisyales ng distrito.
Ang aktibidad ay dinaluhan ng 150 kabataan at 100 na mga magulang.
Nagkaroon din ng libreng gupit para sa mga kabataan, libreng pagkain at kasama na rito ang iba’t ibang palaro na labis na ikinatuwa ng mga bata.
Nagbigay aliw din ang kapulisan ng SPD sa pamamagitan ng katutubong sayaw.
Pinasalamatan ni Police Brigadier Macaraeg ang lahat ng pumunta na naging paraan upang maidaos ng matagumpay ang programa.
Ang ganitong uri ng programa ay isang paraan lamang ng SPD PNP upang tumibay ang ugnayan ng pulisya at mamamayan.
###
