Cebu City – Naaresto ang Top 1 Most Wanted Person ng Rehiyon 10 sa isinagawang operasyon ng pulisya ng Cebu City nito lamang Miyerkules, Marso 16, 2022.
Kinilala ni Police Lieutenant Colonel Nasruddin Tayuan, Hepe ng Tuburan Municipal Police Station, ang suspek na si Fiel Montecillo Castillon, 40, residente ng Blk.12, Lot 12, La Miranda Crest, Grand Europa Subdivision, Brgy. Lumbia, Cagayan De Oro City.
Ayon kay PLtCol Tayuan, naaresto si Castillon bandang 4:00 ng hapon sa Brgy. Camputhaw, Cebu City ng makatanggap ng impormasyon galing sa Cagayan De Oro City na ang suspek ay namataan sa Cebu City at agad na ikinasa ang operasyon at inaresto ang suspek ng mga tauhan ng Tuburan MPS kasama ang Tabuelan MPS at RHPU10.
Ayon pa kay PLtCol Tayuan, naaresto ang suspek sa bisa ng multiple Warrant of Arrest dahil sa kasong paglabag sa R.A. 6539 o Anti Carnapping Act of 1972.
Ang tagumpay ng operasyon ay bunga ng magandang ugnayan at samahan ng mga kapulisan at mga mamamayan para mapanatiling ligtas ang komunidad sa anumang krimen.
###
Panulat ni Patrolman Aivan Guisadio
