Cainta, Rizal – Tinatayang Php103,500 na halaga ng shabu ang nakumpiska sa isang suspek sa buy-bust operation ng kapulisan ng Cainta nito lamang Miyekules, Marso 16, 2022.
Kinilala ni Police Lieutenant Colonel Orlando Carag, Jr., Hepe ng Cainta Police Station ang suspek na si Michael Montesa Alipater alyas Yang Lee, 27, residente ng B29 Matiyaga St. Purok 5, Lupang Arienda, Brgy. Sta Ana, Taytay, Rizal.
Ayon kay Police Lieutenant Colonel Carag, bandang 9:20 ng gabi naaresto si Alipater sa Eastbank Rd. corner Skylark St. Anakpawis, Brgy. San Juan, Cainta, Rizal ng operatiba ng Cainta Police Station.
Ayon pa kay Police Lieutenant Colonel Carag, nakuha mula sa suspek ang 14 na pirasong heat-sealed plastic sachets na may kabuuang timbang na 15 gramo ng hinihinalang shabu na nagkakahalaga ng Php103,500, isang coin purse, isang Php500 bill na marked money at pitong piraso na Php100 bill.
Ang suspek ay mahaharap sa kasong paglabag sa RA 9165 o ang Comprehensive Dangerous Drugs Act of 2002.
Ang PNP ay patuloy na hinihikayat ang publiko na makipagtulungan upang masugpo ang paglaganap ng ilegal na droga para sa ligtas at maayos na komunidad.
###
