Atimonan, Quezon – Nakumpiska ang tinatayang Php170,000 na halaga ng shabu sa dalawang naarestong suspek sa Search Warrant operation ng mga kapulisan ng Quezon nito lamang Marso 13, 2022.
Kinilala ni Police Colonel Joel Villanueva, Provincial Director ng Quezon, ang mga suspek na sina Ferdinand Barradia Marantal, 38, at Arboy Barradia Marantal, 31, parehong residente ng Brgy. Malinao, Ilaya, Atimonan, Quezon.
Ayon kay Police Colonel Villanueva, bandang 11:39 ng umaga naaresto ang dalawang suspek sa nasabing barangay ng pinagsanib na puwersa ng Atimonan Municipal Police Station, Provincial Intelligence Unit Quezon, 2nd Company ng Quezon Provincial Mobile Force Company at Regional Intelligence Unit 4A/Provincial Intelligence Team.
Ayon pa kay Police Colonel Villanueva, nakumpiska sa mga suspek ang isang unsealed small transparent plastic sachet na shabu residue, limang foil strip na residue, anim na pirasong heat-sealed plastic sachets na may kabuuang timbang na 25 gramo ng hinihinalang shabu na nagkakahalaga ng Php170,000.
Dagdag pa ni Police Colonel Villanueva, nakumpiska mula sa mga suspek ang isang caliber 45 Taurus pistol loaded, isang magazine para sa caliber 45, 32 pirasong live ammunitions para sa caliber 45, isang Armscor caliber 9mm loaded, 1 magazine para sa 9mm loaded, pitong ammunition para sa caliber 9mm, 16 extra bala para sa caliber 9mm, dalawang holster at pera na nagkakahalaga ng Php120,670.
Ang dalawang suspek ay mahaharap sa paglabag sa Republic Act 10591 section 11 at 12, at Republic Act 9165.
“I commend the joint operating unit for the successful arrest of these suspects. I guarantee that Quezon Police will remain steadfast in carrying out its intensified campaign against Illegal Drugs”, ani Police Colonel Villanueva.
###
Police Executive Master Sergeant Cabugon
Good job s mga alagad ng batas